Os Contos de Xandre

Xandre cos máis cativos

Fontanería — Sun, 16 May 2010 18:05:48 +0000

A miña experiencia con Xandre

A mediados do segundo trimestre do meu ano de funcionaria en prácticas como mestra de Educación Infantil, chegaron ás miñas mans moitos recursos para aplicar na aula, pero se de algún deles paga a pena falar en profundidade é o conto de Xandre, o elefante sen sombra(1).

Xandre abriume unha fiestra para traballar cos nenos actitudes positivas como a solidariedade, o compañeirismo, a empatía, o respecto ás diferenzas… nun contexto un tanto especial, dadas as circunstancias dun alumnado procedente de fogares desestructurados e na súa maioría con escasos recursos económicos.

Pero, ¿Como traballar con Xandre con nenos que nunca tiveron acceso ás novas tecnoloxías?, o tema da motivación xa estaba resolto, pois todo o relativo ás novas tecnoloxías chama a atención dos rapaces, mentres que o enfoque polo cal abordar o traballo requiriu un pouco mais de tempo e resultou que dada ás curtas idades do alumnado (tres, catro e cinco anos) o mellor foi traballar co conto para instar aos nenos a axudar aos demais, a ser mellores compañeiros.

Os nenos de 5 anos, tras ver en repetidas ocasións o conto e falar sobre el en asembleas, decidiron elaborarlle unha sombra a Xandre, con retallos de cores, cada un pintado por un neno.

Amosáronse todos ilusionados por cumprir o soño de Xandre e concederlle unha sombra, e querían que toda a escola vise o que fixeran por el. Foi unha experiencia verdadeiramente fermosa.

Pé de medio (e descrición alternativa): Mural no chan da sombra de Xandre feito por nenos e nenas de 5 anos.

No caso dos nenos e nenas de 3 e 4 anos, Xandre foi un punto de partida e de motivación que propiciou un maior coñecemento do noso corpo, das súas posibilidades e un maior respecto polas diferenzas cos compañeiros.

O contorno ideal para comenzar esta experiencia era a aula ordinaria, alí tras unha asemblea decidimos buscar as nosas sombras na parede, o que nos foi posible co simple acto de baixar un pouco as persianas.

Unha vez realizada esta actividade e vendo o interese que despertou nos nenos decidín ampliala, e explorar cas nosas sombras empregando unha pantalla e un canon de proxeccións, do que gravamos vídeos que logo puidemos ver e analizar o traballo feito. Nestas sesión empregamos ademais do noso corpo diversos elementos de psicomotricidade, que afastamos e aproximamos á pantalla permitíndonos observar as variacións no tamaño das sombras. Foi algo máxico!, ademais, Xa eramos como Xandre, tiñamos todos unha sombra coa que xogar!

Pé de medio (e descrición alternativa): Neno de 3 anos tentando debuxar a súa sombra no encerado dixital.

Para deixar rexistro das nosas experiencias tamén empregamos o Encerado Dixital Interactivo, con el os nenos púñanse diante mentres outros perfilábanlles as sombras, que aproveitamos para que quedaran gravadas en actitudes positivas, sombras dándose apertas, a man ou un bico. Pois nunca esquecemos que ademais de desfrutar coa experiencia creativa, a finalidade da actividade era tamén gozar aprendendo a compartir, a respectar, e a querer aos nosos compañeiros.

A narración de toda a miña experiencia con este conto agardo que sexa de axuda a outros mestres que están a dar os seus primeiros pasos como docentes, para que exploren este tipo de recursos, pois como xa sinalou Giani Rodari (1979) o primeiro coñecemento da lingua escrita non atopou aínda un itinerario, mais rico, cheo de cor e atractivo que os contos. E neste caso a riqueza de contidos a traballar é abraiante, sobre todo nos niveis das actitudes. E que mellor momento para inculcar actitudes positivas que a etapa de Educación Infantil?, onde o neno, como destacou a gran pedagoga María Montessori dispón dunha mente absorbente, grazas á facilidade que ten para adquirir coñecementos en base ás contribucións da contorna.

Pé de medio (e descrición alternativa): Nena traballando con Xandre na pizarra dixital.

Así que anímovos a todos a seguir enriquecendo o mundo dos nosos nenos, a facilitarlles o acceso á realidade, ás experiencias, á creatividade, só así acadaremos un sistema educativo eficaz que enriqueza os corpos e as mentes dos homes e mulleres do mañá.

Xogando con Xandre na PDI

Susana Viqueira — Fri, 19 Mar 2010 08:36:44 +0000

A compañeira Rosa Martínez do CEIP Santo Paio de Abaixo de Redondela nos envía esta experiencia:

O outro día contamos un conto moi especial, o conto chamábase: Xandre, o elefante sen sombra.

É un conto especial porque é un conto para todos os nenos e nenas: altos, baixos, grandes, pequenos, con problemas visuais,… e que se pode ler de moitos xeitos, coa lingua de signos, cos pictogramas, con letras, etc.

Ademais, xunto co profe Miguel, fixémoslle a Xandre a súa canción e agora non paramos de cantala nin un so segundo, a que si, Lucas?

Pero hoxe fixemos algo máis, subimos á aula de informática e colocámonos diante da PDI, unha pantalla moi especial na que podemos pintar e facer moitísimas cousas con tan so mover un dedo. Xancre, como sabía que estabamos viaxando pola China regalounos uns xogos de sombras, como as sombras do seu conto. E foi moi divertido… xogar así!

E aquí o vídeo coa reportaxe:

Pé de media (e descrición alternativa): Un vídeo coa montaxe audiovisual do alumnado do CEIP Santo Paio de abaixo, unha reportaxe gráfica coas fotos nas que se pode ver ao alumnado traballando coa PDI do seu cole, especialmente coas actividades que se xuntan ao conto de Xandre, o elefante sen sombra.

Presentación de Xandre

Fontanería — Mon, 15 Feb 2010 10:07:14 +0000

Cartaz anunciador de Xandre e os seus contos.

Contexto. As IV Xornadas TADEGa

Como xa moitos sabedes, os vindeiros días 26 e 27 de febreiro deste ano 2010, celébranse no Pazo da Cultura de Pontevedra, as IV Xornadas TADEGa co título Competencia Dixital na Atención á Diversidade.

É intención desta asociación separar claramente as xornadas dos congresos TADEGa, no que a contidos se refire. Por unha banda as xornadas TADEGa terán sempre o distintivo de ter un compoñente claramente experiencial e práctico compartindo realidades para as aulas netamente galegas ou con implicación educativa directa galega. E pola outra banda teremos os congresos cunha compoñente máis investigadora e formativa e ampliando o círculo a todo o mundo iberoamericano.

Presentación oficial de Xandre

Así pois nada mellor que presentar ao noso Xandre nestas IV Xornadas, unha experiencia de aula netamente galega dun conto adaptado e accesible. Alí nos teredes a todos e todas desexando falarvos desta experiencia 100% galega e con futuro.

Nota: non llo digades a ninguén que é unha sorpresa; parece que os da organización tolearon de vez e teñen un agasallo moi especial a cada asistente, o noso Xandre nunha pulseiriña como a que figura no conto.

Bulide, bulide… que xa poucas prazas quedan e a partires de mañán día 16 as cotas de inscrición increméntanse 20 euros.

Enlaces de interese

Enlace ao tríptico das xornadas: programa (En formato PDF) Actualizado o mércores 10 de febreiro.
Enlace ao formulario para inscribirse: inscrición.
Relación de hoteis en Pontevedra (actualizado 11/2/2010) (En formato PDF).
Formularios adicionais (para o profesorado de ensino non universitario) nos que se poden pedir axudas económicas e permisos de asistencia (En formato PDF).
Enlace de Google coa ubicación do Pazo da Cultura de Pontevedra.
Máis información na nosa web.

Xandre e unha resposta para Iago

Fontanería — Thu, 17 Dec 2009 21:08:38 +0000

A historia

Fai tempo dabamos noticias dende a bitácora de TADEGa de que se premiaba o vídeo de Iago titulado Yo también tengo derechos. De todos modos, con premio ou sen el, este esforzo non cae en saco roto.

No noso centro, o alumnado do que son titor aprendeu e serviuse de Xandre, o elefante sen sombra e que xa coñecedes todos da nosa web. Impactoulles e gustoulles moito, pero a cousa non quedou aí. Resulta que aquelo de comunicarmos con pictogramas resultaba algo moi abstracto que non acababan de entender moi ben pois nunca viviran unha experiencia similar nin coñecían a ninguén que precisase este sistema de comunicación.

Así pois non quedaba outra que puideran coñecer a alguén que empregase este sistema comunicativo, polo que lles amosamos o vídeo de Iago no que se pode ver con moita claridade como o usa e precisa comunicarse con el.

Unhas cousas levan a outras, e o alumnado pediu darlle resposta a este rapaz usando o seu mesmo idioma. Así que armado cunha cámara de vídeo e imprimindo e preparando os pictogramas correspondentes, aquí tedes o resultado da resposta para Iago. Oxalá lle guste.

Unha aperta moi moi grande para Iago, para a súa nai, e para estas rapazas e rapaces do CEIP Sal Lence de A Coruña que moito se acordan del, e que xa o queren coñecer.

O video orixinal de Iago

video platform.
video management.
video solutions.
free video player.

Pé de media (e descrición alternativa): Vídeo de Iago elaborado pola súa mai no que Iago nos amosa, con moitísimo esforzo, unha mensaxe que nos conta con xestos e pictogramas que, pasado a palabras di: Hola, yo quiero que tú, me esuches, me veas, me hables y me ames.

A resposta do CEIP Sal Lence, A Coruña

Pé de media (e descrición alternativa): Un vídeo coa montaxe audiovisual do alumnado do CEIP Sal Lence da Coruña, en resposta a Iago polo seu vídeo. Nel podemos ver e escoitar o proceso que se seguiu así como a parte principal na que o alumnado deste 2º curso de primaria respota a Iago con audio, subtítulos, pictogramas e xestos.

Enlaces de interese

A nosa nova sobre o premio de Iago:
tadega.net/Bitacora/?p=1250
A páxina do concurso de curtos:
www.yotambientengoderechos.com/…
O caderno dixital de Mamiago:
HablaPorMiDiceIago.blogspot.com
Sitio de Internet do CEIP Sal Lence:
centros.edu.xunta.es/ceipsallence

As primeiras experiencias

Fontanería — Mon, 30 Nov 2009 07:10:42 +0000

A nosa compañeira Cuca foi das primeiras en experimentar con Xandre. O seu fillo Alberto devecía por coñecer ao noso protagonista e o encontro foi espectacular. Graciñas Cuca por compartir con todos nós esta experiencia. No seu caderno dixital (pensandoenimaxes.blogspot.com) tedes información máis detallada.

Primeiro vídeo:

Pé de media (e descrición alternativa): Primeira parte (dun total de dúas) do vídeo caseiro de Alberto (un neno con autismo, fillo de Cuca), coñecendo a Xandre absorto e feliz.

Segundo vídeo:

Pé de media (e descrición alternativa): Segunda parte (dun total de dúas) do vídeo caseiro de Alberto (un neno con autismo, fillo de Cuca), coñecendo a Xandre absorto e feliz.

Os engadidos

Fontanería — Sun, 29 Nov 2009 21:10:58 +0000

O conto de Xandre non ven só. Tedes montóns de complementos que vos poden axudar a desenvolver moitas actividades e experiencias na aula ou na casa, e aínda que aquí volos explicamos, cando queirades acceder a eles, tedes o enlace no menú superior deste caderno dixital na parte que pon recursos. Aló imos:

Audio

Recursos en formato audio que poden axudar a traballar o conto de Xandre.

Podcast do conto en español – audiolibro

Pé de media (e descrición alternativa): Texto español en audio do conto: Xandre, o elefante sen sombra.

Enlace á descarga do audio en español (en formato MP3).

Podcast do conto en galego – audiolibro

Pé de media (e descrición alternativa): Texto galego en audio do conto: Xandre, o elefante sen sombra.

Enlace á descarga do audio en galego (en formato MP3).

Textos

Recursos en formato preparado para imprimir que poden axudar a traballar o conto de Xandre.

Colorear a Xandre

Temos aquí unha serie de debuxos pasados a un sistema de impresión en formato PDF para que se podan colorear.

Actividade 1 de colorear (En formato PDF para imprimir).
Actividade 2 de colorear (En formato PDF para imprimir).

Glosario de termos para ANEAE

No conto de Xandre inclúese un glosario de termos que aparece cando clicamos co rato sobre o símbolo da interrogación. Para quen precise este documento en papel, aquí volos deixamos en formato PDF para que o usedes a esgalla.

O Glosario en galego.
O Glosario en español.

Texto do conto de Xandre en Braille.

Texto en formato PDF escrito en Braille e castelán para o seu uso nas aulas (pódese imprimir con tinta normal para o traballo con alumnado sen deficiencias visuais ou con tinta en relevo como forno fúser, etc. para persoas cegas).

O texto do conto en braille galego.
O texto do conto en braille castelan.

Como se fixo Xandre

Fontanería — Wed, 25 Nov 2009 19:55:53 +0000

É que non podía faltar

Como poderíamos presentar a Xandre sen explicar un pouquiño cales son os seus bimbios, os alicerces cos que estivo feito e mimado durante case un ano de construción?

A cousa daría para falar moito, moitísimo. Pero fixemos unha pequena escolma de imaxes na que se pode intuír como foi a historia. Ademais as parteiras sempre teñen algunha bágoa que botar cando miramos estas cousas e nos dan ánimos para proseguir o camiño.

E aquí tedes a reportaxe sobre como se fixo Xandre

Pé de media (e descrición alternativa): Vídeo sobre como se fixo Xandre feito cunha presentación de fotos dos distintos momentos. Ao longo da metraxe pódense ler letreiros que suman o seguinte texto: Como se fixo Xandre o elefante sen sombra. Con… moita ilusión, moito agarimo, moito traballo, e… altas doses de pracer estético. Non sería posible sen a colaboración de… Andrés Caamaño, Frank Eijo, Paco Díaz, Rafa Sánchez Agustino, Valentín Torrado, Xavi Seco, Ana, Antón, Luis, Manuel, Mariña, Mauro, Rosa, (e o grupo de Contos). Graciñas, TADEGa.net

Xandre, o elefante sen sombra

Fontanería — Thu, 23 Jul 2009 08:01:35 +0000

E aquí temos o conto Xandre o elefante sen sombra. Non é nada definitivo xa que sempre lle imos atopar correccións e melloras. Pero aquí o tedes. Para acceder a el pódese facer de diversos xeitos. Vexámolos:

Opción A

Traballar co conto aquí mesmo. Non tedes máis que facer clic co rato sobre os botóns e comezar a traballar.

[De non visualizar este contido interactivo multimedia, deberíase a que o teu navegador non soporta marcos ou que neste momento está configurado para non visualizalos. Como alternativa, podes acceder ao contido no seguinte enlace: www.contosdexandre.net/sen_sombra/menu.html]

Pé de media (e descrición alternativa): O noso amigo Xandre feito un soño. Acceso ao conto multimedia e interactivo.

Opción B

Traballar co conto aquí mesmo pero a pantalla completa. Se no canto de velo así en pequeniño o preferides ter en pantalla completa, podedes facelo no seguinte enlace:

O conto estándar: www.contosdexandre.net/sen_sombra/menu.html
O conto directo en versión pictos e audio, pero cos audios en acción nada máis entrar en cada páxina: www.contosdexandre.net/sen_sombra/conto2.html
O conto directo en versión pictos e audio, pero cos audios en acción nada máis entrar en cada páxina: www.contosdexandre.net/sen_sombra/cuento2.html

Opción C

Traballar co conto engadíndoo aos vosos sitios web. Se queredes engadilo nos vosos blogs, webs, etc… iste é o codigo que tedes que pegar:

[De non visualizar este contido interactivo multimedia, deberíase a que o teu navegador non soporta marcos ou que neste momento está configurado para non visualizalos. Como alternativa, podes acceder ao contido no seguinte enlace: www.contosdexandre.net/sen_sombra/menu.html]

Ben. Esa é unha opción pero non a única. E vos contamos isto porque hai un pequeno problema de accesibilidade con este código así implementado, xa que propón uns tamaños de letra fixos e non proporcionais e ademais abre unha ventana dentro doutra ventana (o que no argot técnico chámase frame) que tamén ten os seus problemas de accesibilidade. No canto disto podedes usar estoutro bastante máis accesible:

[De non visualizar este contido interactivo multimedia, deberíase a que o teu navegador non soporta marcos ou que neste momento está configurado para non visualizalos. Como alternativa, podes acceder ao contido no seguinte enlace: www.contosdexandre.net/sen_sombra/menu.html]

E vos preguntaredes, ¿se estoutro código é mellor porqué non ir directamente e dar tanta volta? Pois porque, (e aínda estamos en fase de probas) parece ser que non todos os navegadores de Internet aceptarían esta implementación de código e habería que ir a outra nalgúns casos. Xa vos informaremos e simplificaremos o panorama.

Opción D

Ter o conto nunha pulseira USB As avantaxes son evidentes: non precisamos ter acceso a Internet e funciona con moitísima máis axilidade. Estamos a preparar esta nova fórmula e avisarémosvos como acceder a ela en breves días.

E nada máis polo de agora. Que o disfrutedes… algún día, algún día, todos os contos faranse así.

Ola mundo!

Fontanería — Sun, 28 Jun 2009 13:14:48 +0000

Pé de imaxe (e descrición alternativa): Debuxo de Xandre, o protagonista, o elefante sen sombra.”

Xuño de 2009 e ata as orellas de traballo. Xa pouco quedaba para o nacemento. Un soño de TADEGa que se ergue. O equipo sanitario apréstase a ter xa todo listo. É cousa de horas. Xandre está a piques de coñecernos a todas e todos.

Xa logo só quedaba por desexarlle á mai (Xistra) aquilo de: Que teñas unha hora breve!

No verán de 2009, derradeiros días de xullo, nacía Xandre. En agosto xa só restaban os trámites administrativos namentres que parteiras e parteiros tomaban un descanso gañado a pulso.

E sen pausa, porque en setembro hai que cambiar o uniforme de parteira polo de pediatra.